Health Concern Volunteer Group, Hakha nih A voi 30 nak Mobile Clinic (Ngandamnak lei in khuate lei thlopbulnak) cu Falam peng Ramthlo khua ah an tuah.
A kalkhomi Minung 12 an si.
Sibawi 3
Si Sayama 6
Committee 3
An dihlak minung 12 an kal kho. Checkup aa tuahmi minung 170 an si.
Ramthlo khua hi Kum 550 tluk a rau cangmi khuahlun ngaingai pakhat a si. Anmah nih cun Ramthlo hi sang thum ah kan um i;-
- Dokthek
- Cantualrawn (Ramthlo)
- Tlangzar tiah sangthim fonh hi Ramthlo timi taktak cu kan si an ti.
Atu Ramthlo tiah kan timi hi Vantualrawn kong hi a si.
Innchungkhar 160, Milu 859 nih khua an saknak khua a si.
Cozah sianginn High School sianginn an hmu.
Khrihfabu 3 an um.
Ngakchia zohkhenhnak Nursery 2 an ngei.
Cozah ta le Baptist ta tiah ngakchia 50 tluk an zohkhenh khawh hna.
Atu kum Taanghra a kai liomi minung 30 leng an si.
Medical checkup aa tuahmi minung 170 an si. (Khua lei cu Facang ttuan lio a si caah ngakchia le a dam deuh lomi lawng inn an hlumh lio a si caah an milu le checkup aa tuahmi an i thlau tuk nak a si.) Hi 170 chung ahhin Dokthek khua in a rak i checkmi zong minung 15 tluk an um. Tlangzaar balte thawng an thanh ko hna nain an ra kho lo. Ngakchia minung 80 tluk checkup an tuah khawh hna (Kum 12 tang) A hlei in Child Specialist nih a kan tel pi khawh caah Ngakchia zong felfai tuk in a kan zoh piak i khuami zong an lung an i hmuih ngaingai. HCVG lei zong an lung aa hmuih ngaingai.
Tutan Mobile Clinic kalnak ah bawmtu hna cu ICBC, IN (USA) an si. An cung ah kan i lawm.
A tang ah An khua hrawng le checkup tuahnak record tlawmpal kan chiah. Rak bih ve.
Advertisement
EmoticonEmoticon