Kawlram lei ah kuat ding program ah kuatmi i itel ding a ttihmi Rohingya ralzaam pawl cu Bangladesh i an i dornak hmun in kaa dang a himdeuhnak hmun kawl in an zaam tiah AFP nih a chim.
Kawlram lei ralkap le Aasa hriamtlai pawl an i tukkah nak ruang ah a zaammi mibu pi cu UNO nih miphunning in cihmih thahnak tiah an auh piak hna i, atu ahcun Kawlram lei ah hmunhma ser piak in auhtthan ding timhtuahnak an ngeih lio a si.
Cu ti timhtuahnak nak anngeih mi ruang ah ralzaam aa dormi nih an ttih caah mi cheu a ttihmi hna cu kaa dang a him lai ti an ruahnak ah an zaam cuahmah tiah pawngkam khua pawl nih an chim.
"Uktu hna nih kawlram lei a kirding mi min list ah aa telmi hna cu an kir duhnak hnga forhfialnak an ngeih ko hna nain an ttih caah an i dorchungnak camp cu an zaam tak? tiah Jantuli Camp um Naw Aslam nih a chim.
Kan hnu kum August thla thok in i thah, dohnak ruang ah Rakhine nitlak lei ah a ummi Rohingya Muslim 720000 leng Bangladesh ram ah an zaam tiah bawmchantu bu pakhat nih an thanh.
Hi a zaammi hna nih i thah, kah, tlaihrem, hremnak vialte i a tuanbia cu an i rat pi. Anmah duh thim te in Kawlram kir tthan ding ah i tel ding in Kawhbaza Pengkumh ramri in kir ding ah minung 2260 tu an timhtuah piak hna.
A sinain cubantuk timhtuahpiakmi ah kan i tel sual lai ti an ttih ngai. Cun Rammi sinak nawl le, a dang covo pawl tlamtling te in hmuh ttung lo ahcun Rakhine ram i kir tthan an duh ti lonak kong zong Naw Aslam nih a chim
Tuzarh chung Kawlram i tlunnak nawl pekmi ralzaam chungkhar le AFP Jounalist pawl biaruahnak caan an ngei kho.
"Hi thil kong ah kan thin a phang. Nicaan le aa naih thluamah, ttih, thinphan thlalau nak kan ngeihmi a sang chinchin" tiah Rohingya ramzal a simi Muhammad Khalis nih AFP ah a chim.
The Voice
Advertisement
EmoticonEmoticon