Nizan zingka thawh hlan khua ka ruat. Kan fapa nih a
nungak nu "dawt" tiah a auh kha ka hnathlam ah a caam. Ka theih ka cu
ka lungchung in ka lau pah. A luancia kum hleinga tluk ah khan ka hawinu Mawi
Mawi nih ka dawt tiah a rak ka auh i ka sia rem lo ngai. Asinain a hnu cun ka
hun chim khawh pah ve.
Ngakchia pawl cu ka auh khawh ve hna. Tu kan chan ah
ngaknu tlangval nih "ka dawt" ti auh kha an i foih tuk cang. Voikhat
cu kan upa pakhat nih an nu kha "ka dawt, ka dawt" tiah phone in a ti lengmang i zu maw na rit tiah a chiah
kanh. Kan chim lengmang mi si lo caah kan i ziak lo. Ka fale ka auh hna ah an
nih ka chuak. Kan hawile chung in pakhat nih 'dt ' tiah a ṭial i ka fiang lo.
Zei si ka ti i "aaa" a ka ti. A hnu ah kaa fiang ṭhan. Ka hman bal lo
mi bia le cafang cu theih fian kaa harh ngai.
Nihin kan tonmi thil nih
khua a ka ruahter ngai ve. COVID-19 ruang ah STAY HOME ti si i zei pipa ṭuan
len awk kan ngei lo. Kan khuaruah a har, kan vansang. Kan tuah, kan i tlaih cio
bikmi cu phone zoh cio si ko. Cu caah khua ka ruat i Pathian hi kan duh taktak
maw? Jesuh hi ka daw taktak maw tiah ka hal. Caan tampi ka ngeihmi chungah
Bible ca zeizat ka rel, thlacam caan ka pek, zeitlukdah ka thangṭhat ti ka
ruat. Keimah le keimah ka va mawh ve ka ti. Ka tlau ko lo maw ka ti ṭhan.
Sihmanhsehlaw K.H. No.222 nolhnak ah "nem tein an auh, thinfual in an
nawl, Tuukhal ṭha nih an auhnak kha ngai tuah" a ti.
EmoticonEmoticon