Jeremiah Mitthli: 3
Kan
Bawipa Jesuh Khrih nih Jerusalem khua a zoh ah a rak ṭap ruangmang bal ve.
Vailam tah ding in Rom ralkap nih an kalpi lio ah Jerusalem nu pawl nih an rak ṭah
lio ah, keimah cu ka ṭiah hlah u, nan fale catu ah ṭap u, a rak ti hna. Kan
Bawipa Jesuh nih tlangcung in a rak cawnpiak lio hna ah: “A ṭap a hraammi cu
lunglawmmi nan va si dah, Pathian nih an hnemh hna lai,” tiah a rak hnemh hna. Ṭah
a rak fial hna, dinnak caah ṭah a rak fial hna. Mah sualnak i hmuh i Pathian
ngaihthiamnak hal awk ah ṭah a kan fial. Vawlei ro nih ti a haal bantukin kan
nunnak a rocarmi cu mitthli nih a ciah ve tikah Pathian hnemhnak taktak cu hmuh
khawh, tinco khawh a si.
Mitthli
tlak awk a ngei khomi kan si rihmi hi mi thluachuak kan si. Ṭih phan awktlak
thawngpang phunphun a thei kho kan simi zong hi kan hnakhaw theihnak a ṭhat
caah mi van ṭha kan si. Mit a ngei ti lomi, a hna a chetmi mi tampi lakah mitthli
tlak khawhnak mit, theih khawhnak hna kan ngei rih hna. Seoul khua i thlacamnak
tlang timi prayer mountain pakhat ah kan i dinh lio ah sibawi nu, mitthli tlak
awk ngei lo, a mit a romi, mit lei cancer a simi nu he saupi bia kan i ruah
bal. Sibawi a si caah a sining aa hngalh, caan sau ka nung ti lai lo ti aa
theih bu in vawlei cung mission rian caah thla a cam minu a si; “nannih cu mitthli
tlak awk nan ngei, nan van a ṭha tuk ee, kei cu mitthli tlak awk a ngei lomi
zawtnak in ka thi chom lai,” a rak ti. Jeremiah mitthli hi ṭah beh sawhsawh in
a tlami cu a si ruam lo! Thinlung kehkuainak in a tlami mitthli a si i Pathian
nih miphun cu a caan a cut tikah a hnemh taktak ko hna.
Advertisement
EmoticonEmoticon