Jeremiah Mitthli: 5
CCOC
tuanbia dawh an ṭial lio ah CCOC mission field ah a rak kalmi Rev. Ni To nih
hla a rak phuah: “CCOC Lungtum, thisen luannak man cu a hmun zungzal lai” a rak
ti. Pi Duh Hoi zong nih “Carson siangbawinu mitthli kan si,” ti in mission rianṭuannak
cu a hmun zungzal lai a rak ti ve. Pathian khamhnak, luatnak, fimnak, damnak,
le aa ruang in nun duhnak thawngṭha nih kan miphun cu a sersiammi a si i atu
zong ah a sersiam cuahmah mi a si. Nu nih nau an ngeih lai i nau nganfah an
tuarning, an mitthli cu hun chim lo, an hmur tiang an i seh chih sual tawn i
fahnak an in ko bu zongah naute a hun chuah tikah kha fahnak vialte cu an philh
dih bantuk kha a ra cuahmah lio. Job nih cun “Bawipa nih a kan pek i amah nih a
lak ṭhan, a min thangṭhat si ko seh,” a rak ti i vawlei thilri si hna seh, kan
nunnak siseh Bawipa kut chungah an um dih ko, tiah kan ti khawh ve a hau.
Pathian
aa bochan i Baibal a rel lengmangmi hna nih ṭih-launak an tonning le Baibal
zong rel bal setsai lo, thla zong a cam tuk bal lomi, tlabulbal khuasak a rak
hmangmi hna an lau, an ṭihning aa khat kho lo. Hi hna pawl an launing, an mitthli
a tlakning ahhin midang sualphawtnak, vuivainak kha tampi aa cawh, innpa
chakthlang ca zong ah an umtu hoiher a zohchia pah. Mah ṭangka-huih nun a
ngeimi kan tam ngai manh. Hi bantuk minung pawl mitthli hi cu duh a nung tuk
lem lo, midang ca cu hun chim lo, anmah ca i a tlami hmanh hi Bawi Jesuh sinah
ngaihthiam halnak mitthli a si naisai kho rih lo. Asinain Jeremiah mitthli hi
cu a rak sunglawi tuk. A rak chimmi cu: “Cu bantukin a thukmi muihnak chung i
nan um hmanh i nan ngaih duh lo ahcun, lungthin fah tuk ah a ṭah lawng ka ṭap
lai i ka mitthli lawng a tla ko lai; zeicahtiah BAWIPA tuurun cu sal ah kalpi
an si cang.” (Jer. 13:17) a rak ti.
Caṭialtu: Rev. Dr. Lal Pek Lian (Church Pastor, Immanual Baptist
Church, Hakha)
EmoticonEmoticon