Pathian Khuakhan
Siangpahrang le a sinum pa hi ram an vai tawn. A sinum pa nih siangpahrangpa a chimh tawn mi cu Pathian cu a ṭha tuk a khuakhan ning hi a palh bal lo ti hi a si. Nikhat cu ram an vai, ruahlo pi in sahrang a ra i Siangpahrangpa cu a hun zuanhnawh, a sinum pa nih cun cu sahrang cu a thah khawh nain a Siangpahrang cu a kut dong aa tan. Ziah ka dua Pathian cu a ṭha tuk na ti lo maw? a tu zeicadah ka kut dong cu ai tan ne a ti. A sinum pa nih cun Pathian cu a ṭha tuk ko a khuakhan nak hi a tlam a tling khitkhat ko tiah a ti ṭhan. Siangpahrangpa cu a thin a hungtuk caah a sin um pa cu hri in a tem ta i a kal tak. Siangpahrangpa cu ruahlo pi in rap nih a awh, minung raithawi a hmang mi hna nih an hun tlaih. Raithawinak ah hman an timh tik ah a kut a tling lo i an thlah ṭhan. Siangpahrangpa cu a lung a hun fim, a sinum pa sin ah a rak kirṭhan i a sinum pa cu, Pathian hi a rak ṭha taktak ko, keimah caah a hun ti ve. Asinain biahal ding pakhat kan ngei. Pathian cu a ṭhat tuk ko ahcun “ziah! hri in ka rak in tem lio ah khan a rak ka thloh hnga lo? tiah a ti. Sinumpa nih Pathian khuakhan cu a tlolhbal lo, hri khan rak ka tem chih hlah law a tu hi an tlaitu hna nih khan raithawinak ah an ka hman cang hnga. Pathian khuakhan cu zeitik hmanh ah a palh kho lo, Pathian cu a ṭha a ti.
Pathian nih hin, amah a dawmi hna caah le amah nih aa tinhmi ningin a kawhmi hna caah cun, zeizong vialte hi a ṭha lei ah a serpiak ko hna ti kha kan hngalh (Rom 8:28).
"Hi thazaang peknak biatawi hi Dr. Siang Zi (Vice-president, CCU) nih a FaceBook ah taarmi taar chinmi a si."
EmoticonEmoticon