Pathian Thilti Ning
==============
Missionary pathum hna cu mission rianṭuan dingah an i thawh.
Vanchiat ah an mawtaw aa let, an hawi pakhat cu a ke a kiak i sizung a phan. Aa
khawnglo mi pahnih tu cu an kal kho. A ke kiakmi pa cu a ngaih a chia tuk.
Bawipa na rianṭuan dingah ka pum kan pek ko ṭung zeicadah ka ke cu a kiah? a ti
Pathian sinah mitthli tla in a ṭap tawn. A ke cu a hun dam i kelem an bunh
piak. Pathian rianṭuan cu a duh bik mi a si ve caah mission ṭuan dingah aa
thawh ṭhan. A va phaknak tikulh khua hi mi sa ei hmang mi an rak si, an hun
chuah hnawh ciammam i an tlaih. Cutikah missionary pa nih cun ka ke kan pek hna
lai i nan ei khawh lo ahcun ka chimh mi nan ngaih lai a ti hna. Cun a ke a lem
cu a phongh i a pek hna. A rannak in an zuan hnawh an ei khawh lo caah an khua
ruah a har. Hi pa hi khuaruah har minung a si an ti a bia cu an ngaih. Khum
khat a rauh ahcun cu ka khuami cu Khrihfa ah an cang dih. Kumthum ah Biakinn an
ngei kho. Pumhnak Biakinn darkhing thawng a hungthan ah hin Pathian thilti ning
le a khuakhan khuaruah har a si zia hi ka lungah a chuak tawn i lawmhnak
mitthli a luang tawn tiah missionary pa nih a chim. Crd:
Bawipa nih, ‘Ka ruahning cu nan ruahning a si lo, ka thil tining zong nan thil tining he an i khat lo. Van khi vawlei nakin a let tam piin a san deuh bangin ka ruahning le ka thil tining zong nan ruahning le nan thil tining nakin a let tam piin a sang deuh (Is. 55:8-9).
"Hi thazaang peknak biatawi hi Dr. Siang Zi (Vice-president, CCU) nih a FaceBook ah taarmi taar chinmi a si."
EmoticonEmoticon