Damnak Taktak
=============
Doug Derbyshire cu
silei sibawi Thailand ah missionary a ṭuanmi nih a rainṭuannak ah Pathian
ṭhawnnak a langhning cu thawngzamh pakhat ah a chim. A rian a tam taktak ni ah
zingkhat ah mizaw 70 tluk an ra, ultrasounds aa thla ding an tam, cancer mizaw
zual 3 an um- cu lio ah Dr. Derbyshire cu lam hmuhsak dingin Pathian sinah thla
a cam. Amah nih a chim mi cu: Minute pakhat tluk a roah ah kum 55 hrawng minu a
rak lut i thla thawk ka ah raṭhan te ka timi nu a si. Minu nih cun, “si na ka
pekmi ka ding ti lai lo zeicatiah Jesuh nih a ka damter cang,” a ti.Cun “zan
chiarte Jesuh sinah thla ka cam, ka tupa nih cazual na ka pekmi kha a ka rel
piak( na hngalh lo mi Pathian kong timi), cu ti ka tuah hnu in ka zawtnak
vialte kha an lo dih,” tiah nuam ngai in a chim. Cun minu cu, “na zawtnak nakin
Pathian nih lak piak an duh deuhmi a um, cucu na sualnak kha a si,” tiah ka
chimh. Caan tlawmpal bia kan i ruah hnu ah cu mizaw zohnak khan ah cun minu nih
Jesuh Khrih cu a bawipa le a khamhtu ah a cohlan. Cu tlawmpal ah minu nih cun,
“Ka pasal zong hi thlacam ve seh ti ka duh,” a ti. Thai Lights Newsletter #57
August 2011
"Hi thazaang peknak biatawi hi Dr. Siang Zi (Vice-president, CCU) nih a FaceBook ah taarmi taar chinmi a si."
EmoticonEmoticon