============
Hotel pakhat ah pafa hna an rak i ṭhum a fapa cu kum 15 hrawngmi
a si. Rawl an ei an pafa an hmai a panh lo, an i chawn lo, an rawlei kaa zong a
thaw lomi a lo. A fapa nih kapa cungah ka kai chung lai a ti a kai. Apa cu
thawngzamh a rel cu hnu ah Hotel reception ah a rak ra nan manager a um maw a
hun ti. Reception ummi nih zeidah a cang hnga tiah an lau ngai. Manager cu an
auh a rak ra hotel rianṭuantu an palh sualmi a um rua tiah a auh dih hna.
Manager nih zeidah kan palh sualmi a um maw a ti. Mipa nih a silo nawl kan
duhmi hna a um. Ka fapa hi cancer a si atu hi sii aa rawnh ding a si caah alu
kawngh a hau kei zong kaa kawngh ve lai cucaah kan pahnih kan rak luh tikah
hotel rianṭuantu pawl nih na kan nih sawh lo ding ka duh tiah a hun ti. Manager
nih kan i zuam lai, lung daite um ko a ti. A thaizing cu an pafa an lu an i
kawngh i hotel cun an hun luh tikah hotel rianṭuantu vialte cu an lu a rak
kawng dih. An pafa an khuaruah a har. A fapa cu lunglawm hmaipanh takin cungah
a kai. Mipa nih manager pa cu na hotel rianṭuantu hi nangmah nih maw na
kawnghter hna a ti. Manager nih a silo nizan na chimmi kha an theih caah anmah
lungtho tein an i kawngh mi a si a ti. Hihi Bawipa a lawmhtertu thil a si.
(Rev. ဦးနိုနို, Kyauk Ye Dwin Faith Baptist Church)
Bawipa a lawmhtertu thil kha kawl i zuam u (Efesa 5:10).
"Hi thazaang peknak biatawi hi Dr. Siang Zi (Vice-president, CCU) nih a FaceBook ah taarmi taar chinmi a si."
EmoticonEmoticon