America ram ah
mirumpa le a fapa cu thil dawh kutzung in sermi le hmanthlak sawh suaimi an duh
tuk. An pafa in cu bantuk thil cu tampi an khawmh. A chel ahcun hmunkhat in a ṭhut ṭi i cu thil an khawmhmi hna cu uanthlar
ngaiin an zoh tawn hna.
Vietnam ral a thawh
ah kha a fapa cu ral tuknak ah a kal ve. A fapa cu a ral a ṭha ngai i voikhat cu ral he an i kah lio ah a
hawipa kha a khamh lio ah a mah cu a thi. A fapa thihnak kong a pa an thanh i a
theih tik ahcun a ngaih a chia tuk. Thlakhat hnu cu Christmas lai ah cu mirum
pa inn cu an kingh. Innka a hun tik ah cu tlangvalpa, thilfun he a dir ko kha a
hmuh. Cu tlangval pa nih cun, “ Ka pa na ka thei lai lo, kei hi na fapa nih a
nunnak in a rak ka khamhmi ralkap pa a si. Cu ni ah cun mi nunnak tampi a khamh
hna i kei zong himnak hmun ah a ka puak lio ah kuan nih a lung ah a khen i a
thi colh. Nangmah kong le kutzung sermi, suaimi thil na uar, na khawmh ning a
ka chimh tawn,” a ti. Tlangval pa nih a thilfun te cu a chanh i, “ Hi hi zei
tluk pi cu a si lai lo, kei zong hmanthlak a suai thiam tukmi cu ka si lo nain
na fapa nih hi thil hi ngeih a duh ṭheu
lai,” a ti.
Apa nih cun cu
thilfun cu a hun tik ah a thipa a fapa hmanthlak suaimi a si. Ṭhate in a zoh tik ah a fapa cu a lo tuk
hringhran. A ngaih a chia tuk i a mitthli a luang thluahmah. Tlangval pa cu a
lawmhtuk hmanthlak ca cu laksawng pek a timh. Tlangvalpa nih, “Ka pa, na fapa
nih ka caah a tuahmi zeitik, hmanh ka cham kho lai lo. Hihi keimah ka laksawng
te a si ko,” a ti. Apa nih cun fapa hmanthlak te cu a tar i, a thil khawmhmi a
zohtu an rat paoh ah a fap hmanthlak cu a zohter hmasa tawn hna.
Caan rauh hlan ah cu
mirumpa cu a thi. Cu mipa a khawmhmi thilri hmanthlak vialte cu lenlan suainak
an tuah. Mi rum, mi liangngan tampi an ra i an duhmi thil dawh le hmanthlak
lelan suaiding ah an ra ve. A hmaibik donhlei ah mipa fapa hmanthlak suaimi kha
an chiah. Lelan suainak hotu pa nih a thing sobul hmete kha a tuk i, “Hi fapa
hmanthlak hin a tambik a pe kho hmasabik zuamnak thawk a si lai,” a ti.
Ahohmanh an i zuam lo, daite in an ṭhu
ko. A hnulei in a ṭhupa pakhat nih, “Kha
hmanthlak kha cu lanhtak ko, a dang a min thangmi hmanthlak hmuh kan duh,” tiin
a au. Asinain lelan suainak hotu pa nih, “ A ho dah aa zuam lai,” $ 100 maw, $
200 maw, “ tiah a au peng. Cun a dang pakhat nih, “Mah fapa hmanthlak cawk zuam
ding ah kan ra lo, a dang man sung i a zuam ding ah chuah cang,” tiah a au ṭhan. A sinain lelan suainak hotu pa nih,
“Fapa, fapa hodah a lak lai,” tiah a au ṭhiam
ṭhiam.
A donghnak ah mizapi
hnulei bik in mipa pakhat nih, “Keimah nih $ 10 in hmanthlak cu ka lak lai, “
tiah a ti. Cu pa cu mirumpa le a fapa an pangpar dum a rak zohkhenhtu pa kha a
si. Mi sifak a si i cu vial cu a ti khawhbik a si. Lelan suainak hotu pa nih, “
$ 10 kan ngei cang, $ 20 a ti khotu nan um maw?” tiah a au ṭhan. Mizapi cu an ai a puang. Voithum tiang,
a lonh khomi nan um maw, tiah a au nain an um lo caah fapa hmanthlak cu $10 in
zuar a si cang tiah thawng a thanh hna. Mizapi nih a dang mansung thil
hmanthlak zuar i thawk cang an ti. A sinain lelan suainak hotu pa nih, “Lelan
suainak a dih cang,” tiah thawng a thanh i a thing sobul a chiah.Cu pa nih a
pehmi cu, “ Kei hi ṭuanvo pek lio ah
mithi pa, mirumpa nih ka fap hmanthlak a cawtu nih mansung thil vialte le
hmanthlak lawng si loin inn lo, thilri, ro vialte a coh chih lai tiah biathli a
ka chimh. Cucaah fapa aa lak pa nih zeizong vialte a co dih cang,” tiah a
thanh.
Pathian nih kan hnu kum thonghnih lio a
fapa kha temhtuarnak fakbak vailamtahnak ah thih ding ah a rak kan pek. Nihin
Pathian cahmi bia cu, “Fapa! Hodah fapa aa lak lai,?” ti hi a si. Zeicahtiah
fapa aa lakmi cu zeizong vialte a co chih! Nang tah?
Advertisement
Pu Din Lian Thlarau thazaang chung in lakmi a si (Amah hnatlaknak in)
EmoticonEmoticon