CCF (Cimnuai Christian Fellowship, Hakha) i atu lio an Pastor Rev. Ngem Khawm Niang nih Hakha Baptist Church ah December 09, 2018 ni thawngttha a chimmi a si.
CCF hi Hakha ah zungrian ttuan in siseh, khuasak beh in siseh a ummi Tidem chungkhar hna chiattthat bu i zohkhenhnak in thokmi a si.Annih hi Khrihfabu kip fonh in an tuahmi a si caah Fellowship tiah min an i bunh nak hi a si. Biakinn zong a ttha pi an ngei. 2015 Hakha Kokek har ton lio zong ahkhan minung tannawn nih i dorchungnak ah rak hmanmi a si.
Zarhpi ni zing hi an mah le an khrihfabu cio ah an i pum. Zan lei 2:00 pm in CCF biakinn ah pumhnak a dang te in an ngei.CCF an rak dirh ka tlawmpal ah Siangbawi te rorah a cotu Hakha ah Biakinn Hmasa bik a simi Hakha Baptist Church (Lung Biakinn) hi kan nu le kan pa can ah a kan dirkamh tu nan si tiah ant laih hna i nihin ni tiang anhmuhmi thawhlawm chung in cheuhra cheukhat cu HBC ah an pek tawn.
Cu thawhlawm an pek caan cu December zarhkhatnak ah a si i, HBC zarhpi zing pumh zong ah anmah nih caan an hman beh. Cu lawng si lo in zohkhenhtu Pastor zong hi HBC nih lakpiak mi le HBA ah Minister hal piakmi a si.Kumdang tawn ah December Zarhkhat nak ah caan hman a si ko nain, tukum cu CCU i TED program in Baptist Khrihfabu kip ah CCU khual pawl caan pek dih an si caah zarhhnih nak Dec. 09 ni ah tukum cu an hmannak a si.
A tangah Hakha holh te in thawngttha a chimmi hi rak ngai ve uh.
Advertisement
EmoticonEmoticon