Yangon University Siangngakchia pawl phitnak hi zoh tuah u sih. “Keimah he biaknak a khatmi a si lai.” ti hi an dih lak dengmang in an phit ning a si. Biaktak a si.
Biaknak hi zei a si lo timi ca zongah, biaknak nih hin phunglam, ruahnak umtu ningcang phundang ngaingai in a ser khawh caah biak nak a dangmi si cu, chungkhar si awk ahcun a tlam a tlin ter lo tu bik pakhat a si. Zeicahtiah cun biaknak pakhat nih amah doctrine a ngei cio.
Tunai i, hlawhtling mi chungkhar si awkah a herh mi kan ṭialmi ahkhan Biaknak cu a pathumnak biapi bik ah kan chiah cang kha. Vawlei cungah hna dai le lungdai bikmi hna cu biaknak lei i a zuammi hna an si ti hi cu vawlei cung pumpuluk cohlan ciomi a si ko.
Nu le va tlangtla tu pa nih a chim nak ah cun, “Pathian siah, hmun khat te ah thla a cam ṭi lengmang mi hna nu le va cu ka sinah an rak phan bal theng lo,” tiah a ti.
Chungkhar khuasaknak i lung lawmhnak a ngei lomi hna mi tampi nih Billy Graham sin an rat i bawmhnak an rak hal tikah hin tambik a chimhmi hna cu, “Nan chungkhar tein Jesuh Khrih nan i tlaih peng hnu cu zeihmanh nan i chuihpah sual bal lai lo.
Pathian sinah nan nunnak le nan zeizong te a chuang dihmi nan si i, nan lungthin tak tein biak nak a duhmi le aa upat mi nan si ahcun chungkhar buai nak hna hi cu a um kho bal lai,” a ti.
Lord Pakenham nih England ram, sual (Criminala) pawl a hlathlai lengmang tik hna ah, Khrihfa ṭha innchungkhar le Khrihfa mi buu lak ah hin sualnak (Crime) a tlawmbik tiah a hmuh.
“Ṭhitumnak kong ah hin, minung le minung an i duhnak lawng hi a za lo, Pathian nih a kan theih hngalh pi le a kan hnatlakpi a herh" tiah America ram ngaknu minthang ngaingai mi, Jenet Lennon nih a rak ti.
Jenet Lennon cu 1966 ah khan lee Bernhardi he Roman Catholic Biakinn ah an i ṭhi i, mah bantuk an i dawtnak le hawi komhnak a hmuh khawh zungzalnak hnga Pathian hmai ah,” thih nak nih a kan ṭhen tiang tein, tiah Lennon nih thla a cam tikah a va pa le zong cu a thinlung a cikhmor tuk i, biak nak lei ah biatak ten a lung a thleng pah, tiah an ti.
Lennon cu an i ṭhitumhnak kha Pathian nih dawtnak laksawng nganbik a pek khawhnak hna hnga thla a cam zungzal. A hnubik ah naute a hunpawi tikah, “Pathian hi Lee le keimah cungah a ṭha hringhran. Thluachuahnak lawng a kan pe lo; kan i ṭhitumnak hi a kan hnatlak pi ve,” tiah Pathian kha a thangṭhat.
Jenet Lennon nuncan ning hi America ram nu vialte caah cawnawk tlak a si, tiah an ti. Chungkhar rian fakpi ṭuannak le Pathian zumhnak cungah derhmi nunnak hi kan nih laimi zong nih kan i cawn awktlak a si ve.
Jesuh nih, “Pathian he cun zeipaoh a si kho dih” a ti. Na harnak, chungkhar nuamh lonak le na ngaihchiatnak cu thlacamnak in tei i zuam.
Caan a rem ahcun "Nu le Va Kawmhnak" Timi tlangtar kan peh tthan te lai.
Caṭialtu Rev. Carson Hniar Kio Tuanbia rel na duh ahcun hika catlang hi click
Rev. Carson Hniar Kio nih "THIHNAK NIH A KAN ṬHEN TIANGIN" timi cauk i biahmaisa i a ṭialmi a si. Rel na duh ahcun Click chih te.
Advertisement
EmoticonEmoticon