(1902-1957)
Haiphai khua mi pu Lian Hai le Pi Zing Doi nih fapa 4 le fanu 2 an ngeihmi hna lakah Tin Khuai cu a pathumnak fapa a si. 1918 kum hrawng ah a chuak tiah zawndamh in chim kawhmi a si. A nithla cu hohmanh nih fiang in hngalh khawh a si lo.
Tin Khuai cu nupiṭhit a hung cuza i Pi Chia Ṭial he an i um. Hring lo an si caah chungchuak fa an ngei kho lo i a far fale Ceu Pum le Ngun Iang cu bawhte an si lio in an zohkhenh, an cawm hna i anmah hrinmi fa ah an canter hna.
Saya Sang Ling le Saya Nawl Tling nih Khrihfa phung an cawpiaktawnmi hna kha kum 20 (1938/1939) hrawng a si ah Pathian ka bia cang lai, tiah khua mi sinak bia a chim. Khua mi nih, Tin Khuai cu lohtlaunak lam a zul cang a inn ah hohmanh leengkai ti hlah uh, tiah thawng an i thanh.Tin Khuai cu kawl an tlawn riahbuuk ṭhing a tannak ah a mit thingpel nih a peh sual i vansang laam in a hram lengmang. Ka mit hi a dam ah Pathian hi biatak te in ka biak lai ti loin, a cawt taktak ahcun Pathian hi fek chin in ka biak lai ti tu in a chim an ti.
Cuticun a mit khatlei cu a rawk colh i Pathian lei phung tu ah fek chinchin in a um. Nikhat cu "Nitlaidanh" an timi hauleng chuah lo ni ah meithal aa put i ram vaih ah aa thawh.
Khua mi nih a nung hrimhrin in khua a phan lai lo, phung a buar caah a thi lai, an ti dih. Thih le hliamkhuai cu chim lo Ngalpi a kah i khua mi cu an khuarauh a har dih. Hi tluk nichiazarh i sakah le damte in inn a phak hi cu a Biakmi Pathian hi zumhtlak a si ko lai, an ti ṭhan.
Rev. Sang Ling nih Tin Khuai le a nupi Chia Ṭial, Zom Ling le a nupi Man Tang le That Luai cu 1942 kum ah tipilnak a pek hna. Lopil ṭha deuh le khuachia umnak an timi paohah thlacam ah an kal i Hata khua mi Khrihfa upa Pu Za Tling he an ṭhawl lengmang hna.
Khuachia ṭhawlnak hla cu"Pathian tak in an sual phainak men ting, phaiphai rih la. Halelui ka in thu ah thi thlam lo, thu na ka awi ka awi an nge, ka awi mi zisu a thi ka khompi tu naupangte mi zongzong a kau ngai e, siamte in an pum ta e, mitin tin ah nung le taa mi tidum de dulame, tu na min deng keng bait e, Balni la ka mitte lai keng baibol i vaah e,"
tiah thlacamnak le hlasak pah in an ṭhawl tawn hna.
1946 kum Thantlang peng Tikir khua ah tuahmi Chin Hill Baptist Association Civuipi ah Rev. Nawl Tling nih bawmtu ka herh ko, tiah a hal caah Tin Khuai cu Saya min an pek.
Mah hnu cun Tin Khuai cu Saya Tin Khuai cu Saya min an pek. Mah hnu cun Tin Khuai cu Saya Tin Khuai tiah run ti a si. A thlahlawh cu K. 10/- in rianṭuan cu a dawmh i kum 36 chung zumhawk tlakte in rian a ṭuan.Saya Tin Khuai cu a hnu ah a thlahlawh cu K. 200/- an run pek. Amah cu kum 1982 kum ah pensen an pek. Saya Tin Khuai cu 1986 kum September 23 Cacawn 2 ni ah a rian a ṭuan piak mi a Bawipa ṭang cung ah hnangamte in aa din.
Saya Tin Khuai nih Pathian rian a ṭuan chungah Biakinn lawngte Haiphai khua ah voi 5 khengte a sakpi hna.
Cherhchan:1. Pu Hai Dawn ṭialmi Hai Phai pupa phunglam le Khrihfabu tuanbia cauk. 1994.
- F. Za Thang, B.Th. Thesis, 1995.
Advertisement
EmoticonEmoticon