Hakha Sizung pi ah Hakha Palek nih thi an pek (Video thilchih)
Kawlram Palek kum 56 tlin (Birthday) upatnak caah tiah Hakha i a ummi Palek pawl nih Hakha sizung ah thisen peknak program cu 29, September 2020 ni ah an tuah.
Kumdang tawn ahcun Police Birthday ahhin Sizung, Phungkicawng tibantuk ah Palek pawl nih thianhhlimhnak an tuah tawn pin ah Sizung ah thisen hlut, pekchanhnak an tuah tawn. A sinain atu lio Zawtnak ṭha lo ruang ah a dang thianhhlimhnak rian an ṭuan kho lo i thisen pekchanhnak tu an cu an tuah khawh.
Hi thisen an hlutmi hi Blood Bank ah an chiah chung i Mizaw nih an herh caan paoh ah hman khawh colh ding in chiah a si. Nihin ahhin Minung 10 nih thisen pek ding in timhtuahnak an ngei nain minung 1 cu AB thi a si caah i chiah ding ahcun thi a paam deuh (A ruang cu AB thi hi a herhmi an tlawm deuh caah) a herh caan tu ah na kan bawmh te lai an ti i, a dang thi laang 9 tu cu an hlut.
Thihlu tu hna cu anmah Police upa hna nih laksawng Arti, Cawhnuk le changreu an pek hna. Video ah kan thil chih dih.
Thi hlutnak le thi khonnak (Blood Bank) kong he pehtlai in Hakha ah Laboratory i lubik a simi Dr. Phyo Paing Kyaw nih a chimmi kan thil chih. A hnu deuh ah Hakha ah Covid-19 zawtnak rungrul checknak kong le Hakha Labrotary umtu ning tlawmpal Interview zong thlah ṭhan khawh kaa zuam te lai. Nihin Palek nih thisen an hlutnak le Blood Bank kong kawlholh in chimmi Video a tang ah ka chiah. Rak ngei ve law thazaang rak chuah ve.
EmoticonEmoticon