Rev. Paul Tum Ceu (1961 - 2020) Tuanbia

Rev. Paul Tum Ceu (59) A Ruak cung Bulletin ttialmi A tuanbia le Ramdang um Fanau hna caah Thlacam Piak Ni A hmanung bik a thawngtha chim (Video)

(Bulletin Hmanthlak in ka tar chih.. A caa rel awk ah a tthat lo sual ah tiah.) A tangbik ah 2016 lio Ramdang um Fanau hna biacah Video thawngtha chim ka chiah chih)

Rev. Paul Tum Ceu Biacah Tawnmi Le Siaherh Bia

Voihnih ruah ṭhannak nih thil ṭha a chuahpi.
Mi cungah thil ṭha tuah le ruahpiak khawh hi a ṭha.
Kan ral hi kan dawt khawh hna lo hmanh ah an lam phih lo le kham lo hi a ṭha.
Mi pawkhuai lo ding hi a biapi. Lungthin thiang in Bawipa rianṭuan a herh. Thlarau le biatak in Pathian kan biak ding a si.
Voikhat na sunghmi hi hmailei kal khawhnak thazaang laknak a si.
Mi an thinhun tuk lioah na thinhunter ve hlah, mi ngaihthiam a ṭha.
Mi sining theihthiampiak in mi nun i hrawm le mi va dawt khawh hi a ṭha.

Rev. Paul Tum Ceu Tuanbia Tawi

Rev. Paul Tum Ceu cu Pu Ral Hu le Pi Ngun Ṭial i an ngeihmi fale lakah pahnihnak a si. A pu Rev. Solomon Van Hre nih Paul Tum Ceu tiah min a sak. Rev. C. Nei Rem he 1986 September 15 ni ah ṭhitumnak an tuah. A chuahpi unau hna cu: -

Pi Biak Pen + Pu Kio Dun (Hakha)
Rev. Paul Tum Ceu + Rev. C. Nei Rem (Hakha)
Henry Ṭha Lian (tleicia)
Pu Victor Biak Lian + Pi Khuang Cin Par (Canada)
Francis Biak Thiang (tleicia)
Pi Hoi Sung + Pu Myo Htet Aung (USA)
Pu Ceu Thawng + Pi Dar Hlei Zing (Canada)
Pi Ni Hniang + Pastor Holy Ram Hmun (Hakha)
Pu Ceu Uk Thang + Pi Mang Ngen Par (Canada)
Pu Ni Bik (tleicia)
Rev. Japeth Lian + Pi Irine (Australia)
Saya Siang Hmun (tleicia) + Pi Ṭha Hlawn (USA)
Pu Din Cung + Pi Sung Hlei Cuai (Hakha)
Pi Mamint + Pu Sui Hup (Australia)
Pi Ni Ci + Pastor Thawng Kung (Hakha)

Rev. Paul Tum Ceu le Rev. C. Nei Rem cu Pathian nih fanu pahnih le fapa pahnih rosung a pek hna. An fale cu: -

Pi Freda Rem Zing + Pu Van Biak Sang (USA)
Pu Jeffery Cung Lian Ceu + Pi Hlawn Za Bor (Australia)
Pu Walter Owen Dawt Hlei Hmung + Pi Biak Cin Sung (Hakha) le
Rhoda Biak Len Zing (Hakha)

A Sianginn Kainak Le Rianṭuannak

1988 ah ZTC, Falam in B.Th a dih.
1988 ah CCOC Town Gospel Team Leader
1991 ah Ordination an pek.
1991-92 ah HBC Church Secretary
1992-95 ah HBC Acting Senior Pastor
1994-95 ah HBA Vice President
2000 ah ABS, Manila, Philipine in M.Div a dih.
2001-03 tiang HBC Senior Pastor
2003-05 tiang ZBC Assistant Treasurer
2006-09 tiang HBA Associate General Secretary
2009-2015 tiang HBA General Secretary (term 2)
2015-2017 tiang HBC Senior Pastor a ṭuan i, 2017 June 1 ni ah HBA nih pension a pek.

Rev. Paul Tum Ceu cu a nunchung ah tu 3 (Jeffery Cung Lian Ceu le Pi Hlawn Za Bor i an fale), 1. Gabriel Bawi Ṭha Ceu, 2. Ella Van Bawi Cin le 3. Milla Van Dawt Par a hmuh taak hna.

Rev. Paul Tum Ceu cu Pathian rian thiang a ṭuannak HBC, HBA, CACC, CBC le a dangdang a herhnak ah a ti khawh tawk in kum 29 chung a ṭuan. Kum 4 chung dam loin a um i 2020 September 10, zing Sml. 11:20 ah a taksa nunnak nih a celh ti lo caah a dawtu a Pa Pathian sinah aa din. A zawt chung vialte le nihin a donghnak ni tiang thla a kan campiaktu, dawtu le hramtu, ngaihchiah chawva in a kan dawtu vialte nan cungah lunglawmhnak chim cawk lo kan ngei. Bawipa nih thluachuah in pe cio ko hna seh!

2016 September 04 lio, Ramdang um Fanau hna ca thlacamni rak tuahmi ah thazang peknak ROBIA a chimmi a tang Video ah a um. Rak ngai ve.

A rianttuannak chung in tuanbia theihtlei...

Rev. Paul Tum Ceu

Rev. Paul Tum Ceu cu Hakha khuami Pu Ral Hu le Pi Ngun Ṭial hna nih 11/11, 1961 kum ah an hrin. 1988 kum ah ZTC, Falam ah B.Th. Degree a hmu. 2000 kum ah ABS, Manila-Philippines in M.Div degree a hmu.

April 1, 1988 kum thok in 2018 tiang HBC (Hakha Baptist Church) ah Pastor rian a ṭuan i 1991 kum ah Ordination a hmu.

CCOC chan 1988 ah Town Gospel Team Leader a ṭuan. 1991-1992 tiang HBC ah Church Secretary, 1992-1995 ah HBC Acting Senior Pastor, 1994-1995 ah HBC Vice President (Part time) 2001 – 2003 ah HBC Senior Pastor, 2003 – 2005 ah ZBC Assistant Treasurer rian a ṭuan.

2006 - 2009 tiang HBA ah Assistant General Secretary a ṭuan i, 2009 – 2015 (term 2) tiang HBA ah General Secretary rian a ṭuan. 2015 in pension a lak tiang HBC Senior Pastor a ṭuan.

Rev. Paul Tum Ceu cu taksa ngandam lo ruang ah amah kum 56, Pastor rian a ṭuan kum 29 a tlin ah HBC nih Pension an hal piak i HBA nih 2017 July 1 ni ah Pension an pek.

Rev. Paul Tum Ceu cu taksa ngandam lo nak ruang ah 2020, September 10 ni chun Suimilam 11:20 am (Amah kum 59) ah a rian a ṭuanpiakmi Pathian sin ah aa din. A ruak cu thaizing (11/9/2020) ni ah fim a si lai. 10:00 am ah pumh an thok lai. Thlaanhmun cu No. 1 ah a si te lai. Thawng dang a um ahcun mah a tang ahhin beet khawh kan i zuam te lai.