Ramkhel lei thimnak a nai cang.
Ramkhel rian ah Pastor nih zeitiang dah ṭuanvo kan ngeih ve ti hi hal le
chim a tam ngaimi a si. A tawinak in thimnak kongah pastor nih a ṭuan
ve khawhmi le a tuah awk a si lomi keimah hmuhning ka langhter.
1. Thlacamnak
(Pray)
Ramkhel
rianṭuan vialte hna he daite le remte
le Pathian ṭihzah le ziaza ṭha
in kan nun khawh nakhnga thlacam ding( 1 Tim 2:1,2). Pastor nih cun thimnak ah
aa telding vialte nih ram caah a ṭhami policy, ṭuannak
an ngeih khawh nakhnga, zapi nih a ṭhabik an thim khawh nakhnga le an
thimmi nih Pathian thimmi kan si ti hngalh le thim lomi zong nih thimmi hna
bawmtu si duhnak an ngeih khawh nak tiang thlacam ding hi pastor rian a si. Party
pakhat ca lawng, candidate pakhat ca lawng thlacam hi a ṭha
lo ka ti.
2. Chimnak
(Speak)
Khrihfabu chungah thimnak zuam aa timmi paoh pumpak
in si lo, party in si lo in an zate zapi hmai ah theih ternak le an kong pastor
nih chim ding. An party nih an i tinhmi statement kha chap le zuhpiak nak um
loin a sining te in chim piak dih hmanh a ṭha. Kan member nih an fian khawh
nakding theih ter zong ah a ṭha tiah ka ruah. Anmah tu cu
pulpit ah biachim ter cu ka duh lo. Kan i ralrin ding balte cu Party pakhat
sinah nanmah nan ṭhabik, a dang pakhat sin ah
nanmah nan ṭhabik ti lo ding. Kan member
chung in Candidates cungah thleidannak ngeih loding, pakhat pulpit in introduce
tuah i a dang tuah lo tibantuk a ṭha hrimhrim lo,
3. Ṭuan
le telnak (Participate)
Ramkhel rian caah thimnak ah hin member vialte
thimnak ah an i tel khawh naklai thimning fianter le thimnak hmun phaknak tiang
bawmh hi Pastor rian a si ve. Mah nih uar deuhmi a uar vemi theng kha siloin
kan member paoh kalnak tlam a tling deuh lomi, thimning aa fiang deuh lomi
bawmh hi Khrihfabu rian zong a si tiah ka ruah. Tlun kalnak motor in bawmh
hmanh kha a herh. Cucu party bawmh a si lo, ram caah thimnak tlamtlinnak bawmh
a si.
4. Peknak
(Give)
Uktu hna he Ram ṭhanchonak
rian ṭuan ṭi
(Nehemiah 2:17, 18). Ramkhel rian thimnak ah Cozah nih tangka a sanction ko lai.
Church nih bawmh a hau lo. Asinain kan member nih thimnak kong an fian chinchin
khawh naklai siseh, aa zuam dingmi hna le an i zuamning ding an fian khawh nakhnga
a herh ahcun ca chuah piak le awareness tuah nak ah tangka zong budget tuah
ding a si. Uktu hna he ram a damnak ding caah a herhning in i bawmh le ṭuan
ṭi hi pastorte kan rian bak a si.
EmoticonEmoticon