Jeremiah Mitthlihli: 8
Kan chim cang bang in
Jeremiah hi a ṭah a bek ngaimi profet a si (the weeping prophet) a si kan ti.
Asinain David A. Bosworth nih capar a ṭialmi “The Tears of God in the Book of
Jeremiah” ah cun a ṭah a bekmi profet tiah anih nih cun a au siang lo, Pathian
tu hi kan caah a ṭapmi a si (the weeping God) a ti ve. Pathian nih kan sining
hi a dihlak in a kan hrawmpi. Kan mitthli a kan hnawt i ruahchannak a kan petu
Pathian a si. Jeremiah mitthlihli hi a taktak kan ti a si ah cun Pathian nih a
kan ṭahpimi mitthlihli lawngte an si hrim ko.
Pathian ṭahpimi mitthlihli
cu kan caah sullam an ngei. Tinhmi a umter i kan caah aphichuak a ṭha. Cucu
Jeremiah sin i Bawipa nih a chimmi bia ah kan rel khawh: “An mithi zunngaihnak
cu lunglawmhnak ah ka thlen lai, ka thin ka nemter lai i an ngaihchiatnak lonh
in lunglawmhnak ka pek hna lai,” (Jer. 31:13) tiah a ti. Pathian nih Jeremaih mitthlihli
a hnawh piakning zong hi ti hin kan rel khawh: BAWIPA nih hi bangin a ti: “Fak
piin na ṭah lengmang ko cu ngol cang law na mitthlihli thla ti hlah; zeicahtiah
na rianṭuan man ah laksawng kan pek lai, annih cu an ral hna ram in an kir ṭhan
lai…” tiah a ti. Ruahchannak mitthlihli a si i cucu Pathian nih a tlinter
taktak fawn. Monica zong kha kum kul tluk a fapa Augustine caah mitthlihli he
thla a rak cam i a donghnak ahcun a theipar a zun ko.
Caṭialtu: Rev. Dr. Lal Pek Lian (Church Pastor, Immanual Baptist
Church, Hakha)
EmoticonEmoticon