Amah cu uktu bawi, Khuaruah har, Fim chimtu, A
thawngmi Pathian, Zungzal hmunmi Pa, Daihnak ti a si lai. (ISaiah 9:6)
Pu Din Lian
Luka thawngแนญha chung ah kan rel mi cu Ceasar Augustus nih ramchung a um mi vialte nan min nan i thla dih lai a ti ca ah min i thlak awk ah a mi pohpoh in anmah le khua cio ah khan an kal. Joseph kha khika a kalnak cu amah kha David hrinsor a si ca ah a si. Cun min thlak awk ah a kal ah khan a ham mi Mary kha a sin ah a kalpi. A nithla kha a tling dengmang i khikha i a um lio ah khan a hrin caan kha a phan, fapa te kha a hrin i cucu fater a si. Puan in an zual i caw rawl einak kuang chung ah khan a thlim, riahnak khualbuk ah khan an ca ah hmun a um lo.
Jesuh siangpahrang hna i Siangpahrang, bawi vialte Bawi
cu a nuam bik hmun ah a chuak. Zeizong vialte hi Amah lo in sermi a um lo
(Johan 1:3) i Amah nih zeizong vialte hi a funtom dih hna. (Kolose 1:17). Nihin
zong kanmah vialte hi Amah nih a kan funtom.
Isaiah chung ah kan hmuh bantuk in Amah cu Khuaruah har Bawi a si lai a ti. Khuaruah har min ti mi hi
Biaceihtu 13:18 ah kan hmuh hma sa. Pathian nih ka min cu ka hal hlah, minung
hngalh khawh mi leng a si a ti. Kan Bawipa Jesuh hi khuaruah har Pathian minung
hngalhnak le thilti khawh แนญhawnnak
a lawnhtu a si i Amah hi Pathian a si a ti duhnak a si.
Amah cu Fimchimtu
a ti duhnak cu vawlei Bawi bantuk in fimchimtu nih an kulh lai lo i Amah
hrimhrimtu hi Fimchimtu a si ti a chimmi
a si.
Amah cu A Thawng
mi Pathian misual hna, thihnak lam a zawh cuahmah mi hna kha Amah Pathian
sin ah a kirpi hna lai a ti duhnak a si. Isaiah 10:21 ah “Isreal mi hna lak in
tlawmpal cu a thawng Pathian sin ah khan an kir lai” timi biafang kan hmuh.
Cucaah kan Bawipa Jesuh cu a thawng mi Pathian tiah a hmuhsak mi a si.
Amah cu Zungzal a
Hmun mi Pa a si lai a ti. Hi vawlei ah
a kan hringtu kan pa le a hmun mi an um lo. Kan pa le an kan thihtak tik
ah cun kan pa le kan ngai hna kan ti tawn. Christmas lio ah hin cun kan pa le
kan ngai khun hna. Sihmanhsehlaw, a ti tan i a chuak mi Bawipa Jesuh cu zeitik
hmanh ah a kan kal tak lo kan Pa a si.
Amah cu Daihnak
Bawi a si a ti. Vawlei tuanbia kan zoh tik ah mi lianngan mi minthang pawl
hi raldoh teinak in an hmuh tawn. America ralbawi George Washington raltuknak
in a min a thang i Napoleon zong raltuknak in a min a thang mi a si. Nihin zong
raltuknak in teinak le mi uk an tim zungzal. Kan ram zong a ton cuahmah ko. Cu
bantuk raldohnak ahcun daihnak ca ah tiah i tonnak an i zuam i an i tonnak a
bik kahdohnak ngawlding hi a bik in a si. Asinain i pehtlaihnak ah i remnak le
dawtnak hi an pelh tawn.
Asinain kannih zumtu hna kan Bawipa Jesuh Khrih he kan i pehtlaihnak cu remnak dawtnak then khawh ti lo mi a si. A ruang cu a kan thentertu kan sualnak vialte Amah nih a kalpi cang caah a si. Bawipa min thangแนญhat si ko seh!.
Cucaah Christmas can ah hin Bawipa nih “Na ca ah kan
nunnak kan pek. Cu pek khawh ding ah minung sinak ka lak. A niam bik hmun ah ka
chuak. Na ca ah temtuar ding le ka nunnak pek ding in har ngai khua ka sa. A
fak bik thihnak ka in. Cu vialte cu kan dawt tuk ca ah a si. Na ka daw ve lai
lo maw” tiah an hal/
Dawtmi u le nau hna, Christmas ti sullam cu Bawipa dawtnak zeihmanh he tahchunh khawh lo mi le kaa in chim khawh lo mi dawtnak sung a si. Nang amah sin in a duh mi cu nangmah lungthin te hi a si ko.
Catialtu Pu Din Lian kong rel na duh ahcun mah catlang hi click law rel khawh a si.
EmoticonEmoticon