1875 kum Christmas lai ni ah D.L Moody thawngṭha a chimnak paoh
ah khuaruahhar thangṭhatnak hla a sa tawnmi D. Sankey cu Delawar tiva ah ti
lawng aa cit, khual a tlawng. Zanlei sang a si i tilawng cungah cun mi tampi an
i pum. Sankey kha hlasak an fial tik ah, a sak tawn bantuk in lungtho tein hla
cu a sak, hlan bantuk in lungtho tein hla cu a sakpiak hna.
Advertisement
A hla a dih tik ah
mi pa pakhat a rak dir i, "Mr. Sankey, Union ralkap ah ralkap rian na rak ṭuan
bal maw” tiah a hal. “Asi, 1860 ṭhal chuah lai te in ralkap rian ṭuan ka rak
thawk ve" a ti. “A si ah 1862 zan thlapa var lio ah duty na rak ciah kha na
thei dik maw” tiah a hal ṭhan.
Sankey cu khuaruah
har ngai in “A si duty ka ciah i sentry ka rak cawng” tiah a leh.” Kei zong mah
zan kha duty ka ciah ve. A sinain kei cu nan ral confederate ralkap ka si. Ral
vennak hmun na dir ko lio ah khan thlapa nih an ceuh i fiang tuk in na lang.Cu
lio ah muihnak phen in ka dir i, hi pa hi cu nun bu cun khuaika hmanh a kal ti
lai lo tiah ka meithal cu kah ka tinh. Cu lio bakah cun van na zoh hla na vun
sak. Na hla sak aw nih a ka ciah tuk i meithal phelh a tinhmi ka kut kha ka lak
ṭhan. A poi lo, a hla a dih tiang sa rih ko seh. A dih tikah a luat hlei lai
lo. Ka meithal nih a thah hngami ṭhiamṭhiam a si ko ka ti. Asinain a tu na
sak mi hla chung ah,” Kannih cu nangmah ta kan si. Na hawiṭha ah kan ser law,
kan kalnak lamthluan a kan zoh khenhtu si ko,” ti mi hla bia cu; cu lio caan i
na rak sakmi a bia ningte a si kha fiang tuk in ka theih. Cu bia nih cun ka
ngakchiat lio i ka nu nih a rak ka sakpiak tawnmi a si kha a vun ka theihter.
Ka nu kha tuantuk in rak thi hlah sehlaw; ka nunak hi phungdang in a rak thleng
hnga. Na hla sak na dih tikah cun nangah kah dingah meithal tinhnak thazaang ka
ngei ti lo. An khamhtu Pathian hi a thawng a liangnganmi a si lai ko ti, ka meithal
zong ka pawngah amah tein a tlu.
Cu thawk cun kan
nunnak hi riah hmun ngeih lo in a vakvaimi a si. A tu hla na vun sak bak khan
hlan lio ralvennak hmun ah a dir i van lei zoh i hla a sami hna kha nang mah na
rak si kha fiang tuk in ka theih. Ka lungthing hi na hla nih a hliam cang.
Cucaah ka thlarau a zawmi hi a damnak hnga ka bawm ko tiah a nawl.
Sankey cu a lung a
suk tuk i ral thawh lio ah a ral a rak simi pa kha a kuh colh. Cun Christmas lai
ni ah cu hna pahnih cu Behlenhem caw rawl einak kuang ah an kal ti i Khirh
vailamtah nak tiang an lan.
Cu pa cu amah a
khamhtu hlan lio i vancungmi le prophet hna
nih an rak sakmi "Tuzaan hrimhrim ahhin David khua chung ah nan khamhtu
kha a chuak cang Khrih Bawipa cu” (Luke 2:11) timi le “kan caah ngakchia pakhat
a chuak fapa pakhat pek kan si. Amah cu a kan uktu bawi a si lai. Amah cu
khuaruahhar, fim chimtu, a ṭhawngmi Pathian, zungzal hmunmi pa daihnak Bawi ti
a si lai (Isaih 9:6) timi kha a nunnak in a Bawipa a hmuh a ton cang.
Pu Din Lian Thlarau thazaang chung in lakmi a si (Amah hnatlaknak in)
EmoticonEmoticon