Biahmaiṭhi
United Nations Secretary - General minung pakua hna tuanbia
“Ṭuan longmang, ei longmang” tiah kan Lai biachimnak ah hman ngaimi
phungthluk phun khat kan ngei. A sullam cu “Kut chiahtham duh loin a ṭuan
longmangmi minung cu ṭuan zuam loin a ṭhu sawhsawhmi le a vaak sawhsawhmi
minung nakin cun ei awk rawl tam deuh an ngei,” tinak a si. Mah bantuk cun ca
zong tam deuh a relmi cu carel a huam lomi nakin cun theihhngalhmi tam deuh,
kau deuh le thuk deuh an ngei hrimhrim ko.
Rev. Dr. Stephen Hre Kio nih Falam Baptist Church, Yangon
ah Thawngṭha a rak chim i a biahram domhnak ah, “Laimi cu ca kan rel lo
tuk,” tiah nan chim, kan chim cio ko. A sullam bik cu Laimi nih rel an duhmi ca
kan ṭialpiak khawh hna lo caah a si, tiah a chim i ka hna chungah a lut
ngai, a si hrim ko, ka ti.
Cauk hi tam nawn ka ṭial cang i a
cauk in ka hun chuah tawn. Mah cauk ka chuahmi hna lakah cun-
1.
U.S. Presidents Tuanbia le
2. Chin Hmaisuang hna Tuanbia cauk hna cu a cuh in
an i cuh.
Aw! Van Lian pa a chimmi hi a
hmaan ko rua hi ta, ka ti.
Cucaah atu hi United Nations Secretary - General minung
pakua hna tuanbia ka hun khawmh i a cauk in ka hun chuah ṭhan. Hlan
deuh i ka rak i tinhmi le khawmh zong ka khawmh dih cangmi “Vawleicung Minthang
Hna Tuanbia” cu ka hun chuah lai tiah ka ruat nain a cauk chah tuk ding a si
caah ka uar deuhmi le nan rak uar cio hngami minung kha famu thim in ka thim ṭhan hna i hi
cauk ka chuah hnu hin hun chuah khawh kaa zuam ṭhan te lai.
Careltu rak ṭang cio ko
uh. Hngalhnak hrampi cu carel hi a si ko.
Bawi Hu
Advertisement
EmoticonEmoticon