Nupi le va cu voikhat ngeih hnu cun thil bang thlen awk a ṭha ti lo. Cucaah nupi le va caah hin cun timh cia tein kan um zungzal awk a si. Voikhat te a thim kan i palh sual ahcun thihhlan lo ca a si caah a hramthok tein ralring tein kan thim awk a si.
A zungzal na hawiṭha ding ahhin an duhmi phun kha a chang tein ṭial hmasa law. Na cazin chung i, a tambik a tling mi na ṭhit/na vat ah cun a sualnak a tlawmbik lai.
Micheu khat cu zei bantuk phun theng te set hi ka duh hnga ti ruat theng lem lo in an duhmi an ton caan paoh ah an ṭhit/an vaat tawn hna caah a raohhlan ah hnahawhnak a um lengmang tawn. Cucaahcun ralring te in thim cu a herhbik pakhat a si.
Nupi na ṭhit lai le va na ngeih lai ahcun a tanglei biahalnak hi nangmah le nangmah i hal ta hmasalaw na bawmhtu a si ve lai. Hi bia halnak hi pohkhat ah hmah sarih lengmang a si lai i a dihlak ah hmanh 98 a si (Pakhat ah Marck 7 cio tinak a si).
Hi chung ahhin hmah 65 tal na hmuh lo ahcun na innchungkhar ding cu a nuammi a si lai lo tiah kan ti chung khawh lai.
Hi biahalnak hna cu "a si" tiah leh awk an si lai.
- Keimah nih ka duh taktak mi le ṭhit/vak awk ah ka lungtlin dihlak tein, lungaw ṭawm nak um lo tein ka lung a tlingmi a si maw?
- Amah nih a ka duh taktak mi le ṭhit/vat awk ah a lungthin dihlak in lung aw ṭawm lo tein a lung a tlingmi te ka si maw?
- Ka nu le ka pa teh an lung a tling ngaingai maw?
- A nu le a pa lung tling ngaingai a si maw?
- Mi tuan tho a si maw?
- Kan duhmi phun a khat maw?
- Mi nun ṭha, mi hmur ka nem, mi hloptlo le mi ṭha nuam pawl a si maw?
- Mi zuangzam le mi fawi zang a rak si bal maw?
- Zudin le phe kah a hmang tawn maw?
- Lihchim le mi hlen a hmang tawn maw?
- Phaisa hman ah a zung a vuar tuk maw?
- Mi bia a nau tatmi le mi tei lawng a zuammi a si maw?
- Keimah he kan khua, kan um tu dot kan i thlau tuk maw?
- Hawikom pawl he sik le bia al a hmang tawnmi a si maw?
- Hi vawlei cung zoh dawh bik cu, Nu nunnem nu va lungkhat an si, run chung tangah nu va tha nih cun, chungkhar dawtnak par bang a dawh ter. Dawtnak bia nem te an chim zungzal i, chung kip ca a poi bal lo.
- Chungkhat uk tu, nu le pa nih, nan ziaza ṭha lo rekh cio u. A sir in kal hmangmi Cangal cu, a fa le nih an cawn ve bang in, ziatha lo cu tuu run nih an cawn i, chungkhar chiatchuah tu an si.
- Nu va nawlthiam nunem mi cu dawtnak hri nih a zelh hna i, An tlun kal tikah lunglawhnak in dawt nak in zatial kut an i tlai. Mi zohchun awk in dawtnak an tlin ter. Tuu run zong nih an cawn hna.
- Rualchan unau le mi sing zong nu-va tha cu par bang kan tlanh. Hi vawlei cung ah nu-va tha nih thangthatnak le thluachuahnak an hmuh, Pathian dawtnak le mi upatnak cu an cungah ni bang a tlang.
Rev. Carson Hniar Kio nih "THIHNAK NIH A KAN ṬHEN TIANGIN" timi cauk i biahmaisa i a ṭialmi a si. Rel na duh ahcun Click chih te.
Hmaizarh ah "Nu le Va Nawl Thiam" timi kan peh ṭhan te lai.
“KAN LAI HLOH IN VAWLEI ROCO USIH”
Advertisement
EmoticonEmoticon