Adoniram Judson Tuanbia Tawi
Pastor Van Tling Thang
2020
July 12 cu HBA ramchung dihlak Judson Sunday ti in caanhman a si lai. Pathian
sinah lunglawmhnak chim buin le siangbawite nih Kawlram an kan dawtnak ruat
buin thlacam le caanhman ding in HBA nih sawm dih cang kan si.
Judson
Siangbawipa cu August 9, 1788 Malden Mass, USA ah a chuak. February 5, 1812 ah
Ann Hasseltine he thitumnak an tuah. Kawlram cu 1813 July 13 ah an rak phan. An
phak cang ka in Judson nih "Kawlmi hna he nunti le thihti dingin kan i tim
cang," tiah ca a ṭial colh.
Pathian
thawngtha a chim khawh nakhnga Kawlholh le kawlca a cawng colh. Kawlram ah kum
30 a um hnu ah USA a tlawng i Mirang holh a hmang kho setsai ti lo. Mirang holh
a hman lonak kum 33 a si cang caah pehzulh in catlang tlang 3 a chim kho ti lo.
Baily nih, "Hi US pa hi America mi nakin Kawlmi a si deuh cang" a ti.
Judson
nih Zayat (aho paoh um khawhnak) a sak i Kawl Buddha saya bantuk in mileng he
an i tong. Hi Zayat ah hin a voikhatnak minung 15 sin ah thawngtha a chim.
Biaknak lei saya langhternak ah Phungki puan (Aihre) ai aih ve.
Zayat
ah mileng u tampi a ngei ko nain thawngtha cu an thei duh taktak lo. Tlangval
Maung Naw cu Pathian Bia kha a duh tuk i, nichiar in Zayat ah a ra.
Maung
Naw cu a sual ai phuang i Khrih cu ka Bawipa le ka khamhtu a si, tiah a pom.
Khrih hnu ka zul cang lai tiah tiah bia ai kam hnu 1819 ah Judson nih tipilnak
a pek. Judson nih, "atu cu a thinlung chungah Bawia vel a phan cang.
Pathian cu Kawlmi cungah ai phuang cang timi cu zumh awk a har ko," tiah a
ti. 1820 aah Khrihfabu a dirh i chungtel 10 an si. 1823 ah Biakam Thar a leh
dih. Biakam hlun cu 1834 January 31 a lim. 1840 ah Kawl Baibal cu an nam.
Pathian sin pekchanhnak a tuah i hi tihin ca a ṭial," Ka rian ka lim cang
caah Pathian sinah lawmhnak bia ka chim. Pathian sunparnak caah hi cauk cu Amah
kut ah ka chanh. Kawlholh in a chuak cangmi a Bia hna hi thluachuahnak pe ko
seh. Kan Pathian le khamhtu Jesuh Khrih cu hla in kan thangthat khawhnak caah
hi cauk hi hriamnam tha bik si hram so seh, Amen" tiah a ṭial. 1848 ah
English- Burmese- English dictionary a chuah.
1824
ah thong an thlak. A ke karlak ah rua pum an hrolh i a ke 2 kha cawl kho lo
ding in thir an bil chih hnu ah a lettalam in an thlai. A ke cu an hma dih, an
man dih i a nam ngaingai. Ni tlawmpal ah thah dingmi chiahnak ah an thial.
Aungbin-le thong ah an ṭhial than. Hi ka a phanmi cu an nung in an kir bal lo.
An hrem ning a fak tuk hringhran i a lung a dong hualhal. Thla 21 hnu ah thong
in a chuak. 1850 ah Rili cung tinbaw cungah a thi, ti let tangah an vui.
Nihin ni ah a chuahnak khua
American Masachuset peng Mawladin khua Khrihfabu i tonnak inn an timi ah
ca an ṭialmi cu Rev A Judson, A chuahni - 1788 August ni 9, A thihni - 1850
April 12, A khua - Mawladin, A
thlan - Rili tiah thingphel cungah an ṭial
i, an ṭial chih rihmi cu “Kawl miphun zumtu hna le Bible ca, vancung khua” tiah
an ṭial.
"Lawmhnak
le ngaihchiatnak, damnak le zawtfahnak phun zakip tong kho hmanh u si law
hmaiah fong in kan tuah ko lai. Kawlram tlangcar ah thlaici kan tuhmi cu Zion
tlangah a theipar kan zun te lai."
Kawl
siangpahrang kha Mirang pawl nih bia an hal: Mirang dang Missionary hi kawlram
ah ra hna sehlaw rianṭuan na sianh hna lai maw? tiah an ti i, An duh zat in ra
ko hna seh... Asinain Judson hi cu ka sianh kho hrim lo; ka mi hna nih a hmape
hi an celh lai lo" a rak ti hna. KHRIH ca i a tuarmi a hmape hi tehte nung
a si zungzal ko.
Advertisement
EmoticonEmoticon