Misual Mi Hna Umnak ding
====================
Judah minu pakhat New York khuapi ah a um mi le khrihfa rian ṭuantu pa kong tuanbia an chim mi a
um. Mipa nih Judah minu cu Khrih kong a chim, cun kamhnak na co a herh tiah a
ti. Mipa nih minu cu misual mi a sinak le hell ah a kal ding a sinak a chimh.
Minu nih “Hell cu ka zum lo,” a ti. Khrihfa pa nih, “zei cadah na zumh lo,”a
ti. Judah minu nih, “Aruang cu Judahmi kan unau minung million 6 cu Adolf
Hitler le Nazis pawl kut in an thi. An dihlak te hi Hell ah an kal lai ka zum
lo,” a ti. Khrihfa pa nih minu cu, “Maám Vancung I na kai tikah sui in an phahmi
lam i na kal tikah Adolph Hitler na va hmuh te lai. Cu tikah keimah aiawh in
“hello”ka ti piak te,”a ti. Minu cu a hun au i, “Adolph Hitler zeiruang dah
Vanram ahcun a um lai, hell ah pei a kal lai cu,”a ti. Asi! Mah minu zong nih
hin hell cu misualmi hna umnak ding hmun tiah a hmuh ko! Source: Unknown
Submitted by the homiletics class of West Coast Baptist College
Mi Fapa nih hin vancungmi kha a thlah hna lai i a Pennak chung i ṭhat lonak a tuahtu vialte hna le
mi a sualtertu vialte hna kha an pumh hna lai i meiphu chungah an paih hna lai,
cuka ah cun an ṭap lai i an hacang an rial
lai(Matt. 13:41-42).
Ngaihthiamnak Hi Cohlang Loin Um Hlah
==============================
Kum 1830 ah khan George Wilson cu a fir caah thah ding, hri in thlai ding
tiah biachah a si, Culio at President a ṭuanmi Andrew Jackson nih Wilson
ngaihthiamnak ca a rak chuah sihmanhsehlaw Wilson nih a cohlang lo. Cu kong he
pehtlai in biaceih bawi a si mi John Marshall cu Wilson kong ah ṭuanvo ngeitu bik a si. Marshall nih,
“Ngaihthiamnak cu catlap cungah a si, aman cu ngaihthiam a simi nih a rak
cohlan tikah a sunglawi. Hihi cohlan a si lo cun, ngaihthiam lo a si ko. George
Wilson cu thlai hrimhrim awk a si,”a ti. A cheukhat thawngzamh nih cun mah
ngaihthiamnak ca kha a phak a tlai caah a si lai an ti. A cheu nih
ngaihthiamnak kha a cohlang lo caah a si ko an ti. Jesuh Khrih nih kan sual a
kan ngaihthiam cang, cohlan lo in um ti hlah. Source: The Bible Exposition
Commentary: New Testament-Volume 1, Warren Wiersbe
Fapa a zummi paoh cu zungzal nunnak an ngei, Fapa nawl a ngai lomi paoh cu
nunnak an ngei bal lai lo i Pathian thinhunnak cu an cungah a um zungzal ko
lai.(John 3:36)
Harnak le Hremnak
==============
Voikhat cu Tuu an zuatnak hmun ah zan ah a kihtuk caah tuu an thi lengmang.
Tuu ngeitu nih zeiti tuah awk a hngalh lo caah a hawi le sinah ruahnak a hal
hna. A hawi pakhat nih a chimh mi cu zan ah Tuu sinah Meheh thlah hnawh hna a
ti. Tuu zuapa nih cun zan a kih aa thawk bak in Meheh cu a thlah tikah Meheh
nih Tuu pakhat hnu pakhat a dawi hna a suk hna. Tuu kawm chungah an tli a cheu
hma a pu mi zong an um. Tuu zuapa nih a Tuu a zaangfak ko hna nain zinglei
lawngah Meheh cu lak ding a si caah a zoh ko hna. Tuu pawl cu Meheh ruangah an
tli an le cucaah an thi a lin i cu thawk cun an thi tilo. Harnak kan tonmi hna
hi kan caah nunnak ṭhawnnak dingah a si theu.
Harsatnak hna hi kan caah a herh ca zongah a rak si kho ko. Crd: Pastor La Ja, တိုးပွားစေသောညှဉ်းဆဲခြင်း No.1131/2023
Morning Devotion
Sihmanhsehlaw Izipt mi nih Israel mi cu fak deuh in an hrem hna paoh ah tam
deuh in an karh i kau deuh ah an i ṭhek. Izipt mi nih cun Israel mi cu an huat
hna i an ṭih hna; sal hremnak a fakmi
chungah khan an khumh hna i tlakser rian le tlakrawh rian le rian har phun
zakip kha an ṭuanter hna i cuticun rethei
ngaingai in an chiah hna. Rian har phun zakip kha rumro in an hnek hna.(Exodus
1: 12-14)
(Acung
ca hna hi Pastor Dr. Siang Zi (Vice President, CCU) nih a facebook ah thazaang
peknak ca i a tarmi ka tar chinmi a si.)
EmoticonEmoticon