Ka Caah Na Sunglawi Bik
====================
Voikhat cu India ram ah ngakchia pakhat cu
Boarding School ah an chiah, a nu le a pa sin a um lio ah mi liklak ngai mi a
si. An khan chungah a thiambik a si tawn. Asinain Boarding school an chiah hnu
ah a sining aa thleng taktak. Mi sin chuahlangh a duh ti lo, amah lawng a um
amah le a mah aa hua, cu tikah thah tiang aa tim tawn caah a tumchuk thluahmah.
Zeicadah hi ti hin a um ti ahcun amah le a mah kha zeihmanh ka si lo,
ṭhathnemnak zei hmanhka ngeih lo caah, ahohmanh nih kei cu an ka duh ti lo tiah
aa ruah caah a si. A nu le pa nih cu thawng an theih tikah, a pa nih a va kal
hnawh, an sianginn khaan chung teah a ṭhut pi. A pa nih bia tlawmpal a ruah hnu
ah “ka fa, na pa hi zeiruangah hi ka ka rat ti na thei maw? A fa pa nih “ca ka
cawnmi ka hmat pawl a ṭhat le ṭhat lo zoh ding ah a si" ati. A pa nih cun
“a si lo, a si lo, nihin ka ratnak cu ka fa pa nangmah cu na pa ka caah a biapi
bik mi na si ti chimh ding ah ka ra. Na ca minpuai hmat pawl kha ka caah a herh
bik lo, ka fa pa, nangmah hi ka caah na biapi bik, naa nuamh mi tu kha hmuh kan
duh deuh, nangmah cu na pa keimah i ka nunchan na si” a ti. Cu bia a theih
cangka cun a mit thli a hai, a pa he cun an i kup i an pahnih in an holh kho
veve lo. A tu cu ngakchiapa nih a herh mi vial te kha a hmuhdih cang, vawlei
cungah a ka herh mi an um ko ti a hngalh. Cucaah, sullam ngei ngai in a caan a
hman tik ah college sianginn ah pakhatnak ah a chuak. A ngaihchiat kha a
hohmanh nih an hmu ti lo “Ka pa kaa lawm tuk, nangmah cu ka nunnak taktak na
rak si,” a ti. Kan pa Pathian caah a fale hi kan sunglawi bik. Crd.
Ka nu le ka pa hmanh nih khin hei ka hlaw
hna seh law, Bawipa nih cun a ka zohkhenh ṭhiamṭhiam ko lai(Ps. 27:10).
A molh Bik
========
Hlanlio ah siangpahrang le amah sin rianṭuanmi capo saihthiam pa kong an
rak chim tawnmi tuanbia a um, a capo thiampa nih molh bia a chimh tawn hna.
Nikhat cu siangpahrang pa nih thiangthunh a pek, “I lak law, thate in fim cun
nangmah nak a molh deuhmi na hmuh hna tikah pe te hna,”a ti. Kum tam nawn a
rauh hnu ah siangpahrang cu a thideng cang a ih khun cungah a it cang. A rammi
a auh hna: a chungkhar, a sinum vialte he a pawngah an dir dih. Siangphahrang
nih a chimmi cu, “Kan kal tak cang hna lai, lam hla pi ah ka kal lai nan sinah
ka rak kir ti lai lo, cucaah nan za te damte in tiah thlahnak dingah kan auh mi
hna a si, “a ti. Copo saihthiam pa nih hmai ah a rak fong i siangpahrang cu,
“Upat awktlakmi, bia pakhat hal kan duh ko, voidangah nang cu lam hlapi ah
khuatlawng ding na si caan ah na rammi, thawngthanh hmasa le na sinum hna
kalter hmasa a sitawn. A tu hi tah zeidah timhtuahnak na ngeih, Hi na khualsau
tlawnnak ding ah zeidah na ken ding a si? a ti. Siangpahrang nih, “Alas!
Zeihmanh kaa tim tuah lo,”a ti. Capo saihthiam nih cun , “Sicun thiangthunh na
ka pekmi hi i put, atu hin keimah nak in a molh deuhmi ka hmuh cang,” a ti an
ti. Source: Unknown
“Biatak kan chimh hna: ka bia a thei i a ka thlahtu kha a zummi paoh cu
zungzal nunnak a ngei. Amah cu biaceihnak a ing lai lo, sihmanhsehlaw thihnak
in nunnak ah a lan cang.(John 5: 24)
EmoticonEmoticon