Mipa, A fapa le Laa Tuanbia
===================
Voikhat cu pafa hna nih an
laa cu zuar dingah khuapi lei ah an kal pi. Lam pi ah nu pawl an ton hna i nu
pakhat nih, “laa cit lo in an kal ter sawh ko, anmah tu ke in an kal hibantuk
nan hmu bal hna maw? ”a ti. Mipa nih a theih le cangka a fapa cu laa a citter i
an kal. Tlawmpal an kal ah papawl he an i tong pakhat nih, “Phung an thluk mi
hi a dik la, upat nak a um ti lo timi hi, ngakchia a rannak in ṭum law na pa kha citter,” a
ti. Ngakchiapa cu a ṭum i a pa
cu a cit ter. Caan tlawmpal an kal ah nu le ngakchia an hmuh hna cu hna nih, “
thathupa ziah na fapa cit ter lo in nangmah nih na cit,” an ti. Cun mipa nih a
fapa cu a cawi i laa cungah cun a khin. A tucu khua an phan deng cang. Khuapi
pa pakhat nih a hmuh hna, “Ka kawi, hi laa hi nanmah ta a si maw?,”a ti. Mipa
nih “A si ko” a ti. Khuapi pa nih, “ziah mah laa hi nanmah nih nan phorh ve
cang lo aba tuk cang hi teh,” a ti. Mipa nih, “Mi lungtlinak a si cun ka i zuam
ko lai,”a ti. An pa fa in a ke an tem i an i zawn. Khua luhnak pawngah hlei
pakhat a um i hlei an zawh lio a hmu mi hna nih an rak nih sawh hna. Laa nih a
duh lo a hnar a phit, a cawl an tlai kho ti lo i tiva ah a tla. Mipa cu
thinhung le ningzak ngai in inn ah a kir ṭhan, mi vialte lungtlinter i timh ahcun ho lung hmanh
tlinter khawh a si lo ti a lung a pem, cun a laa zong a sung chih. Crd.
Nanmah hrimhrim zong kha muihnak chungah khua nan rak sa, sihmanhsehlaw Bawipa mi nan si cang caah ceunak chungah nan um. Cucaah ceunak mi a simi bantukin nan um awk a si. Zeicah ti ahcun ṭhatnak a phunphun le dinnak a phunphun le biatak a phunphun a chuahtertu cu, ceunak cu a si. Bawipa a lawmhtertu thil kha kawl i zuam u(Efesa 5: 10).
Ṭihmi A Phunphun
=============
Micheu nih mui an ṭih, mi cheu nih tithuk an ṭih, mi cheu
nih a hnawmmi an ṭih, mi cheu nih a sang mi an ṭih lio ah
micheu nih anung in vui chih an ṭih, micheu nih mithla an ṭih, mi cheu
nih thih an ṭih. Ṭihmi a
phunphun kan ngei cio. Ngaihciat awk ngai a simi cu mi tlawmte lawnglawng nih
Pathian tihawk an hngalh I tam deuh nih Pathian tih awk an hngalh lo I a cawn
zong an duh lo. Jesuh Khrih nih a kan cawnpiak mizong biapi ah mi tampi nih an
chia lem lo.Crd:
“ Pum cu a that kho ko nain thlarau a that kho lomi cu va ṭih hlah u; hell
chungah pum he thlarau he a that khotu Pathian tu kha va ṭih u.(Matt.
10: 28).
Thilzuar Minung Pathum
===============
Khuapi pakhat cu khua mi hna nih an ral hna kut in an himnak hnga kan kulh
lai an ti, meeting an tuah. Tlakrawh sertu nih cu tlakrawh hi khua kulhnak ah
cun a ṭha bik a si
ko lai a ti. Kutzungthiam pakhat nih lungtho ngai in, thing a ṭha bik a si
lai a ti ve. A dang pakhat a dir ve, “Upatmi hna, kei cu nan nih pahnih he ka
ruah ning aa dang; khuakulhnak ah a ṭha bik mi cu saphaw a si ko a ti. Minung hi
mah ca cio ah an nung. Crd.
Ka tuahningte khan tuah ve u; ka tuahmi thil paohpaoh ah hin midang
lawmhtertu si kha kaa zuam tawn; keimah ca ṭhatnak ding
kha ruat loin mi vialte ṭhatnak ding tu kha ka ruat deuh; cu ti ka
ruah cu khamhnak an hmuh khawh nakhnga caah a si(1Kor. 10:33).
(Acung
ca hna hi Pastor Dr. Siang Zi (Vice President, CCU) nih a facebook ah thazaang
peknak ca i a tarmi ka tar chinmi a si.)
EmoticonEmoticon