𝗩𝗮𝗻 𝗖𝘂𝗻𝗴 𝗞𝗵𝘂𝗮 𝗞𝗮𝗶 𝗞𝗮 𝗗𝘂𝗵 𝗥𝗶𝗵 𝗟𝗼... 𝗞𝗮𝗻 𝗸𝗵𝘂𝗮 𝗮𝗵 𝗸𝗮 𝘁𝗹𝘂𝗻𝗴 𝗿𝗶𝗵 𝗹𝗮𝗶
𝗕𝘆 𝗨𝗽𝗮 𝗦𝗶𝗮𝗻𝗴 𝗛𝘂
2019 December 30 lioah Tuluk ram Wuhan khuapi Seafood zuarnak markel ah Dr. Lee Wun Liang le a hawile nih zawtnak 1 thar in a zawmi minung 7 an hmuh hna. Cu kong a hawile sinah a chim, sik tu ai huah. Screenshot in social media ah a thlah. Wuhan Public Security Rureau hna nih internet i na thlah than ahcun thong kan in thlak lui au ti. Cormunist ram phung thawngzamh khenkham ruangah a si. Caan rau lote ah Wuhan khuapi cu tilian le meisul bang phihkhar awk thalo in a cul thluahmah colh hna.
Dr. Lee Wun Liang cu khrihfa zumtu tha a si caah an zawtnak thlop hram a thawk colh hna. Ai tinhmi cu sualnak ngeilo mihrinfa nunnak tam tuk a liam sual lai a phang. "Zawtnak ihkhun ah ba ngai in le ruahchannak deng cikcek i an um lio le thihnak kut kikpi nih a tlaih cuahmah lio hna ah ka cungah bochannak le ruahchannak nganpi he an ka zoh khirkhiar tikah, a kal in ka kaltak kho hna lo," a ti.
Cuticun nunnak thap in mizaw a thlop lengmang lioah amah tak cungah zawtnak virus a kai ve. Cu bu cun mizaw dawtnak lungthin he a thlop lengmang hna. A nun nih a celh ve ti lo, amah cu ICU ah an chiah.
A zal i aa sanhmi bia roling a fial tami cu a hawipa nih thawng a zamhpiak.
Aa dawh tukmi ceunak nganpi pinlei ahkhin vanram nuam a um i, cu hmun cu an chim tawnmi zungzal nunnak, a nuam taktak mi hmun a si, cu hmun ah cun kan thlarau a kal cio te ko lai. cu hmun ah innthar ka ngei ti ka hngalh, cu innsaknak ah thazaang tampi ka chuah. Zeitindah cu he ai pehtlai mi rian cu ka ngol khawh lai? A ngol in ka ngol kho lo.
Ka nunnak cu thihnak thladem panh in a liam cuahmah ko. Ka dawt tuk i ka zoh cimlo mi ka nupi le ka fale, ka nu le ka pa, zeitindah keimah tel loin an nun khawh lai? Ka nupi nau pawi lio a caantling dengmang mi nih keimah tel loin caan har tukmi hi zeitindah a pah khawh lai? Ka taksa hna cu an ti cuahmah. Tlawmpal ah cun ka ruak an khangh lai i ka phunhawi sin ka pha ve lai, ka ruah cia dih cang.
Ka dawt tukmi ka nupi le fale le Wuhan khuami mangtha tuk u mu. Ka semnak Wuhan khua mangtha mu. Buainak chumpi a dih tikah cun biatak phitkhartu hna dotu pasal tha tuanbia tialtu ka si a lang te lai.
Tlikzuamnak ah ka thazaang dihlak le a donghnak khitkhet tiang ka tli cang. Zumhnak kha fekte in kai tlaih zungzal (2Tim. 4:7).
A donghnak bik ah zei bantuk sining hmanh ah ka thlacam mi cu "Maw Pathian, vancung khua kai ka duh rih lo, ka semnak Wuhan khua ah ka tlung ta lai." Bawmtu ngei lo sifak zonzai le mizaw mirethei mi nih an ka hngah ko tiah cabia a tial.
(Ihkhun cung in zawt lio caan, khuaruah mi le carel mi chung in nunhrawmhnak cabia ka van tial.)
𝗙𝗶𝗱𝗶 𝗰𝗮𝘇𝘂𝗮𝗹 (Immanuel Baptist Church, Hakha nih cazual an chuahmi, Facebook Page ah an tarmi ka taar chinmi a si.)
Advertisement
EmoticonEmoticon