NUPI PHUN SARIH (Thihnak nih a kan ṭhen tiangin" timi cauk chung ta) By Rev. Carson Hniar Kio

NUPI PHUN SARIH

1. NU CAN NUPI

Nu can aupi nih cun a va kha a dawt ngaingai i, fa le tuah in a tuah. Rawl ei tik zong ah a danh i, thil hruk ding tiang in a mah nih a tuah piak dih. Zei poh te ah a va nih a bochan i, a nu bantuk in a ruah.

2. FAR CAN NUPI

Far can nupi nih cun a va kha a lungthin dihlak in a dawt i, a ṭa bantuk in a ruah. A hmaizah i a toiah a dor. A va sinah thil ding lomi tuah a duh lo. A va sualnak a ngaithiam khawh i, a va cingla rualchan zong a lungthin taktak tein a dawt hna.

3. HAWIKOM BANTUK NUPI

Hawikom bantuk nupi nih cun a va hi a dawt ngaingai ko. A va cungah zumh awk tlak a si i, a fel ko. Asinain a va ral a ven deuh tawn caah amah lawng hi cu bochan awk tlak a si deuh lo. A va sualnak a ngaithian khawh i, a va cingka rualchan zong a lungthin taktak tein a dawt hna.

4. BAWI BANTUK NUPI

A va kha uk le tei a zuam. Bianem chim a hmang lo. Ka duh paoh in ka um lai. Kei mah nawl a si, ti a hmang. A va ral a veng hrimhrim lo.

5. RAL BANTUK NUPI

Thil an ngeihmi vialte kha a mah kuttang lawng te ah chiah a duh. A va cungah ngaihthiamnak lungthin a ngei lo. A sualnak lawng a bawh. Mi a zum hrimhrim lo.

6. MIFIR BANTUK NUPI

Va le hngalh loin innchung tang thil hlohhralh a hmang. A va theih lo in a mah lei cingla rualchan pawl kha thil ṭhenh le thil pek a hmang. Chaw bing tuah a hmang. Va le he ceih ṭi loin, a thli thil tuah hmang mi a si.

7. SAL BANTUK NUPI

Bochan awk tlak a si lo. Fialmi te lawng a tuah. Amah lungin zeithil hmanh a ruat kho lo. A va zong a ṭih tuk i zaangfah a si. Ka inn, ka lo ka innchungkhar ṭhangcho seh tinak lam zeihmanh a ruat lo.

Hi a cunglai nupi phun sarih chung ahhin nang tah zeibantuk nupi phun dah na si? Nangmah tein na ziaza i tahchunh tuah.

NUPI ṬHA ZIAZA

1. Nu ṭha nih cun a fa le kha tein a cawnpiak hna i, sinum le ka ei zong a dawt hna.
2. A vapa kha a upat zungzal i, a thil a thlen piak, thianghlim tein a chiah piak zungzal. Ihnak puan le innchung tang thilri hna kha thianghlim te le rem tein a ning cang tein a chiah hna.
3. A va kha a lungtak tein a zumh i, a mah zong zumh awktlak in a um.
4. A innchung le nih an phurh an tlunhmi kha a chiah ken zia a thiam. Mi conglawmh a thiam.
5. A hmurka a nem, a awka a thlum,
6. A phungzai a tam lo.
7. Zeilei paoh mi rinh a ngei lo.
8. A va cingla rualchan pawl zong a dawt hna, a tlaihchan hna.
9. Sinum le ngakchia pawl zong a lem zia a thiam hna i a mah ruahkhawh tawk le an thazaang rup khankhah a thiam.
10. A va ih hlan ah a it bal lo i, a va thawh hnu zong ah a tho bal lo.

Catialtu Rev. Carson Hniar Kio Tuanbia rel ding ah hika hi click chih te.

Rev. Carson Hniar Kio nih "THIHNAK NIH A KAN ṬHEN TIANGIN" timi cauk i biahmaisa i a ṭialmi a si. Rel na duh ahcun Click chih te.

 

Advertisement