Nero Siangpahrang Nih Rome Khua A Khangh (7) by Rev. Dr. Lal Pek Lian

Nero Siangpahrang Nih Rome Khua A Khangh (7)

===========================

Mei cu a alh hluahmah ko ee. Martar hna thisen zong cu tam chinchin in a luang ko. Asinain Khrih dawtnak mei zong thinlung chungah fak chinchin in a alh ve. Moses nih burbuk kangmi a hmuh i a donghnak ah Exodus (chuahnak/ luatnak) tuanbia ṭial a hun si khawhnak ah tuanbia cu Pathian nih a chaak a hruai ko. Mei cu ṭih a nung ngaimi a si kho ko, asinain Thiang Thlarau aiawh muisam zong a si kho chih ve i Satan pennak kha a hrawk khotu a si. Kan thinlung chung i mei-alh kha mit in hmuh khawhmi mei-alh nakin a ṭhawng deuh, hmual a ngei deuh ti hi kan philh hna lai lo. Nero nih a kaumi mei bel si sawh hlah seh, Jesuh Khrih nih dawtnak in a kaumi mei tu a si a herh.

Jerusalem khualipi le a biakinn zong an rak khangh i an hrawh dih cikcek ko. Miphun cu Babilon ram ah kum 70 chung sal ah an hruai hna i an hrem ko hna. Asinain vampang remh caan a hun phan kho ko, Jerusalem vampang cu an rual ṭhan i biakinn zong an sak khawh ṭhan ko. A biapimi cu kan thinlung chung i sak cangmi Pathian khualipi asiloah zumhnak cu zeihmanh nih a hrawh khawh awk a si lo. Ngaihthiamnak mei-alh, dinnak mei-alh, le daihnak mei-alh ah kan sersiam khawhmi a si ko. Peter bia bang, Nero cu a sung taktak ai, a pennak cu luklak ah a ziam ko nain Khrih pennak cu ni khat hnu ni khat a ngan chin lengmang i a karh chin lengmang ko. They are singing, they are smiling (hla an sa ee, an mirh ko ee) timi nunzia mawi aa ngeihmi, Khrih tharul a ngeimi kan si (cf. Filipi 4:13).

(Ralhrang nih Thantlang khua inn 164 an khangh a thaizing ah Rev. Dr. Lal Pek Lian nih thazaang peknak ah a ṭialmi a si. 20/10/2021)

Nero Meikhangh - 1 thazaang peknakrel khawh a si.

Nero Meikhangh - 2 thazaang peknakrel khawh a si.

Nero Meikhangh - 3 thazaang peknak rel khawh a si.

Nero Meikhangh - 4 thazaang peknakrel khawh a si.

Nero Meikhangh - 5 thazaang peknakrel khawh a si.

Nero Meikhangh - 6 thazaang peknakrel khawh a si.

Nero Meikhangh - 7 thazaang peknakrel khawh a si.